AstraZeneca вакцинасын иштеп чыгаргандар алардын дарысы COVID-19 дун индиялык штаммына каршы туруштук бере алат деп ишендиришти. Бул тууралуу компаниянын сайтында Оксфорд университетинин изилдөөсүнүн жыйынтыктарына шилтеме берүү менен жазылды. 

Оксфорд университетинин маалыматы боюнча, COVID-19 үчүн AstraZeneca вакцинасы индияда тараган "дельта" жана "каппа" коронавирусуна британия жана бразилия штаммдарына каршы бирдей деңгээлде эффективдүү.

Өткөн жумада жүргүзүлгөн анализ көрсөткөндөй, Pfizer жана AstraZeneca вакциналары "дельта" түрүндөгү коронавирустук инфекцияларга байланыштуу ооруканага жаткыруудан 90% дан жогору жогорку деңгээлде коргойт.

ДССУнун иммунизация боюнча стратегиялык консультативдик тобу AstraZeneca коронавирус вакцинасын жаңы варианттары көп болгон өлкөлөрдө колдонууну сунуш кылууда.