Жалал-Абад аэродромун жаңы жерге көчүрүү пландалууда. Бул тууралуу Мамлекеттик жарандык авиация агенттигинин башчысы Данияр Бостонов маалымат жыйынында билдирди.

Ал белгилегендей, учурда бул маселени чечүү боюнча сүйлөшүүлөр жүрүп жатат.

"Өлкөнүн бардык аэродромдорунда оңдоо иштери жүрүп жатат", - деди Мамлекеттик авиациянын башчысы.

Ал ошондой эле Мамлекеттик авиация башкармалыгынын инспекторлору үчүн акы төлөнүүчү кызматтарды киргизүү жана дрондордун ишин жөнгө салуучу укуктук ченемдерди түзүү боюнча агенттиктин пландары менен бөлүштү.

Кошумчалай кетсек, агенттик Ысык-Көлдө биринчи эл аралык ИКАО форумун өткөрүүгө ниеттенүүдө.