Кыргыз-орус өнүктүрүү фонду чакан жана орто бизнести колдоо боюнча жаңы программаны кабыл алды. Бул тууралуу аталган фонддун жетекчиси Артем Новиков билдирди.

Фонд долбоорлорду ишке ашырууну улуттук валютада кайтарып берет.

“Ушул жылдын аягына чейин фонд тарабынан чакан жана орто бизнести каржылоого 600 млн сомго жакын каралган. Келечекте долбоор ийгиликтүү ишке ашса сумманы көбөйтөбүз. Чакан жана орто бизнес үчүн экинчи маанилүү аспект - инвестициялык чыгымдар үчүн жүгүртүү каражаттарын каржылоо, буга чейин бизде жок болчу. Үчүнчүдөн, аймактарда акча каражаттарын накталай берүү кыйынчылыгын эске алуу менен фонд банктарга өздөрүнүн каалоосу боюнча жүгүртүүдөгү каражаттардын бир бөлүгүн накталай акча менен чыгарууга мүмкүндүк берет”, - деди Артем Новиков.

Ал кошумчалагандай, жалпы каржылоонун 50% аймактарда долбоорлорду ишке ашыруу үчүн зарыл болгон коммерциялык жана башка кыймылсыз мүлктөрдү сатып алууга жумшалат.

Чакан жана орто бизнести колдоо программасы 20 миң доллардан 1 миллион долларга чейинки долбоорлорду коммерциялык банктар аркылуу каржылайт.

“Биз минималдуу чендерди, анын ичинде чакан жана орто бизнес үчүн программаларды кармап турууга жетишип жатабыз. Эгерде сиз 5 жылдык мөөнөткө жылдык 5% менен АКШ долларында каржылоону тарта алсаңыз, анда жүгүртүү капиталынын ставкасы 3 жылдык мөөнөткө 9% түзөт. Каржылоо улуттук валютада 3 жылдан аз мөөнөткө жылдык 9% ставка менен ал эми жүгүртүү каражаттарына дагы 3 жылга - 14% акыркы карыз алуучулар үчүн тартылган”, - деди фонддун жетекчиси.

Ал кошумчалагандай, чакан жана орто ишкердикти өнүктүрүү долбоору ата мекендик өндүрүшчүлөрдү жана ишкерлерди колдоого багытталган, ошондуктан улуттук валютадагы каражаттарды Кыргыз Республикасынын резиденттеринен гана чийки затты, кызмат көрсөтүүлөрдү жана башка компоненттерди сатып алууга гана колдонууга уруксат берилет.

КОӨФ төрагасы программа 1-сентябрдан бери иштеп жатканын жана каалоочулар коммерциялык банктарга кайрылса болоорун белгиледи.