ОПЕК+ курамындагы өлкөлөр Россия жана Казакстанга мунай казууну этап-этабы менен көбөйтүүгө уруксат берди. Бул тууралуу ОПЕК+ өлкөлөрүнүн жыйынында Казакстандын энергетика министри билдирди.
Министр Нурлан Ногоевдин айтымында, азыркы макулдашуу мунай рыногуна жакшы натыйжа берет. Макулдашуу мунайды өндүрүүнү кыскартуунун учурдагы деңгээлин 2021-жылдын февраль жана март айларына узартуу жөнүндө чечимдин негизинде кабыл алынган.
«Муну менен катар Казакстан жана Россия үчүн өзүнчө шарт коюлган. Бир суткада 10 жана 65 миң баррелге чейин өндүрүү керек», — деп белгилешти ведомстводон.
Алдын ала берилген прогнозго ылайык, Казакстанда февраль жана март айларында суткасына 1.427 млн баррелге чейин мунай казылат.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
