Бишкекте  «Стратегиялык өнөктөштүктүн жаңы мейкиндиктери менен  интеграция» аталышындагы   кыргыз-орус  аймактар аралык VIII-конференция өтүүдө.

Иш-чаранын алкагында  кызматташуу боюнча иштеп жаткан жана жаңы ачыла турган долбоорлорго кол коюлат. 

Алардын бири Кара-Балта кен иштетүү компаниясы. Бул Кыргызстандагы алтынды чайкаган жалгыз ишкана.  Алтындан тышкары башка баалуу металлдар да чайкалат. Акционерлер аны модернизациялоого $10 млн жумшашты.

«Акыркы эки-үч жыл аралыгында акционерлер Кара-Балта тоо-кендерин иштетүүчү  комбинатты жаңылоого көп каражат жумшашты. Кошумча каражаттар тоо-кен казуу тармагын өнүктүрүүгө жана жалпы бул тармакты жакшыртууга багытталган.  Негизги каражат  Ысык-Көлдөгү уран кенин казууга, Кара-Балта тоо-кен комбинатын модернизациялоо жумшалат. Мындан тышкары Таласты өнүктүрүүгө дагы каражаттар каралган» –деп түшүндүрдү  «Акчабарга»  «Кара-Балта тоо-кен комбинаты» ААК акционерлер коомунун өкүлү Андрей Акимов.