2021-жылдын 8 айында 1,7 миллиард сомго 698 миңден ашык патент жана 579 миллион сомго 499 миң камсыздандыруу полиси берилген. Бул тууралуу Мамлекеттик салык кызматынын басма сөз кызматы билдирди.

1,6 миллиард сомго 453 миң патент жана 346,4 миллион сомго 369 миң камсыздандыруу полиси онлайн берилген.

Мекеме биргелешкен патенттик форманы жана камсыздандыруу полисин түзүү функциясына ээ болгон "Электрондук патент" системасы модернизацияланганын жана ишке киргизилгенин, бул салык төлөөчүлөр тарабынан абдан жакшы кабыл алынганын эске салды.

Электрондук патент салык төлөөчү тарабынан ыйгарым укуктуу салык органынын маалымат системасында берилиши мүмкүн, бул убакыттын чыгымдарын кыйла кыскартат, ишмердүүлүк катталган жердеги аймактык салык органында логинди жана паролду алуу жетиштүү.