Саламаттыкты сактоо министрлиги COVID-19дун биринчи толкуну учурунда мамлекетке 3 миллион сомдон ашык суммада зыян келтирген. Бул тууралуу Башкы прокуратуранын басма сөз кызматы билдирет.

Депутат Алиярбек Абжалиевге тийиштүү делген сансыз мүлктөрдүн тизмеси жарыяланды

Маалыматка ылайык, коронавирус менен күрөшүү үчүн Саламаттык сактоо министрлигине Калидавир препаратын алуу үчүн бюджеттен 3,5 млн сом бөлүнгөн. Дары-даремек алуу үчүн атайын «М» фармкомпаниясы менен министрлик тарабынан келишим түзүлгөн. Бирок, сатып алынган дары-дармектер бүгүнкү күнгө чейин эч бир медициналык мекемелерге таратылбастан министрликтин кампаларында жаткандыгы аныкталды.

Андыктан, Саламаттык сактоо министрлигинин ошол маалдагы жетекчилиги жана башка кызмат адамдары тарабынан жогорудагы Калидавир препаратын сатып алууга мамлекеттик бюджеттен 3,5 млн сом мыйзамсыз сарпталып, натыйжада мамлекеттин кызыкчылыгына зыян келтирилген.

Жогорудагылардын негизинде, аталган факты боюнча сотко чейинки өндүрүш иши башталды.