Бир мандаттуу шайлоо округдарынан шайлоо жана референдум өткөрүү боюнча борбордук комиссиясына бугүнкү күндө 145 талапкерден (өзүн-өзү көрсөтүү тартибинде) шайлоого катышуу ниети жөнүндө билдирүү келип түштү. 

БШК бир мандаттуу шайлоо округдары боюнча депутаттыкка талапкерлерди көрсөтүү шайлоо округдарынын тизмеси расмий жарыяланган күндөн тартып башталаарын жана добуш берүү күнүнө чейин 45 календарлык күн калганда башкача айтканда, 2021-жылдын 13-октябрында саат 18:00дө аяктаарын эске салат.

Бир мандаттуу шайлоо округу боюнча депутаттыкка талапкерди каттоо үчүн документтер БШКга 2021-жылдын 18-октябрь күнү саат 18:00гө чейин берилүүгө тийиш.

Кыргызстанда Жогорку Кеӊештин депутаттарын шайлоо быйыл 28-ноябрда өтөт.