11-июндан тарта кыска мөөнөттүү шенген визасын алуу (С тибиндеги виза) дүйнө жүзү боюнча 12%га кымбаттайт. Бул тууралуу Словениянын Тышкы жана европалык иштер министрлиги билдирди.

Ага ылайык, эми шенген визасынын баасы:

• чоңдор үчүн - €90 (учурда €80);
• 12 жашка чейинки балдар үчүн - €45 (учурда €40).
• Алты жашка чейинки балдар үчүн акы алынбайт.

Эскерте кетсек, Евробиримдиктин комиссиясы үч жылда бир жолу Евробиримдиктин инфляциянын деңгээли жана мамлекеттик кызматкерлердин орточо айлык акысы сыяктуу “объективдүү критерийлерди” эске алуу менен визалык төлөмдөрдү кайра карап чыгуу керекпи же жокпу деген баа берет.