Кыргызстандын Соода-өнөр жай палатасы БАЭнин ири экономикалык аймагына барды. Анда негизинен транспорт жана логистика боюнча ар кандай продукцияларды чыгарган 400дөн ашык компания жайгашкан. Бул тууралуу Соода-өнөр жай палатасынын басма сөз кызматы билдирди.  

Маалыматка ылайык, кыргыз компанияларга JAFZA тарабынан атайын Дубайдагы компаниялардын бет ачары өткөрүлдү. Ошондой эле, Бишкек экономикалык аймагынын ар кандай департаменттеринин өкүлдөрү менен байланыш түзүлдү. 

Транспорттук компаниялардын өкүлдөрү Кыргызстандан БАЭге жана андан ары Перс булуңундагы өлкөлөргө жүк ташууда экономикалык аймак менен өз ара аракеттенүү боюнча сүйлөшүүлөрдү жүргүзүштү. 

Мындан тышкары, "Адал Азык" кыргыз компаниясынын өкүлдөрү эркин аймакта компания ачуу жана өндүрүш мүмкүнчүлүгү тууралуу толук маалымат алышты. Кыргызстандын Соода-өнөр жай палатасы БАЭ эркин аймагынын өкүлдөрү менен кызматташат жана БАЭ рыногунда бизнес-коомчулуктун мүчөлөрүнө көмөк көрсөтөт.

Жолугушуунун соңунда ишкерлер үчүн компанияны онлайн-платформаны колдонуу менен экономикалык аймакта бизнес жүргүзүүнүн артыкчылыктары жана аны каттоо маселелери боюнча тренинг өткөрүү макулдашылды.