Кечээ, 11-январда коммерциялык банктар банктар аралык валюта соодасында 2 миллион 700 миң доллар сатып алышты. Бул тууралуу Улуттук банктан маалым болду.
Бардык операциялар бүтүм түзүлгөн күнү эсептешүүлөр менен ишке ашырылган.
Аукциондо доллардын баасы өткөн жылдын 20-декабрындагы деңгээлинде — 85,68 сом болгон.
Эске салсак, 10-январда Улуттук банк быйыл биринчи жолу ири интервенция менен чыгып, анын эсебинен банктар 100 миллион доллардан ашык акча сатып алышкан.