Он айдын жыйынтыгы боюнча Кыргызстанда орточо айлык маяна 25 миң 390 сомду түздү (чакан ишканаларды эсепке албаганда). Бул тууралуу Экономика жана соода министрлиги билдирди.

Мекеменин маалыматы боюнча, өлкөдө эмгек акы 27,9%га, ал эми инфляцияны эске алганда анын реалдуу өлчөмү 14,5%га өскөн.

Буга чейин “Акчабар” статистикага таянып Кыргызстанда айлык акы өскөнү менен ЕАЭБде эң төмөнкү көрсөткүчкө ээ экенин жазган. Кыргызстан ЕАЭБде реалдуу эмгек акынын өсүү темпи боюнча эң жогорку көрсөткүчкө ээ, номиналдык эмгек акы биримдик боюнча орточо көрсөткүчтөн 47,2% төмөн.