Бүгүн Кыргыз фондулук биржасынын системасында "Кыргызстан коммерциялык банкы" ачык акционердик коомунун баалуу кагаздары менен 10 бүтүм катталды. Маалымат биржанын сайтында жайгаштырылган.

Экинчи базардагы сооданын жыйынтыгында бир колго 13 миң 809 нуска 82 миң 854 сомго сатылган. Акциянын баасы 6 сомду түздү.

Эске салсак, буга чейин 10-январда банктын акциялары менен экинчилик рынокто да 17 бүтүм жасалган. Анда 161,9 миң сомго 24,9 миң баалуу кагаз сатылган.

Анда акциянын баасы 6,5 сомду түзгөн. Ошентип, сооданын жыйынтыгы боюнча "Кыргызстан коммерциялык банкынын" акцияларынын наркы 7,7%га арзандады.