2019-жылы Тажикстандын Ички дүң продукциясы 77,3 млрд сомонини (7,9 млрд доллар) түздү. Бул тууралуу «Кабар»​ маалымат сайты Тажикстандын телеграф агенттигинин шилтемесине таянуу менен жазып чыкты. 

«Мурда белгиленгендей, өлкө калкынын саны 9,5 млн кишини түзөт. ИДПны ар бир жаранга бөлгөндө 8 миң 130 сомониден (болжол менен 840 доллар) туура келет», - деп жазат агенттик.

Бул жылы өлкө ИДПсы 78,2 млрд сомони (8 млрд доллар) болору божомолдонууда.

Белгилей кетсек, 2018-жылы Тажикстандын ИДПсы 68 млрд 844 млн сомонини түзгөн (бир адамга 7 миң 565 сомониден туура келген).