Талас районунда бир нече чакан ГЭС курулат. Бул тууралуу жергиликтүү акимчиликтен билдиришти.

Маалыматка ылайык, Бекмолдо айыл аймагында кубаттуулугу 18 мегаватты түзгөн гидроэлектрстанция салынат. Жерге-Тал айыл аймагына курула турган чакан ГЭС 5 мегаватты түзөт.

Ал эми Көк-Ой айылында 125 мегаваттык күн электр станциясы пайда болот.

Объекттердин курулуш иштери эки жылдын ичинде аяктайт. Каражат ички жана тышкы инвесторлор тарабынан бөлүнөт.