Бишкектин «Дордой» конушунда жаңы бала бакчанын курулушуна конкурс жарыяланды. Бул тууралуу шаардык мэриянын басма сөз кызматы билдирди.
Маалыматка ылайык, мектепке чейинки билим берүү мекемеси 140 балага ылайыкталган. Долбоорлук-сметалык документациясы толук аяктагандыгы айтылат.
«Тендер мэриянын Коомдук-мамлекеттик капиталдык курулуш башкармалыгынын линиясы аркылуу ишке ашат. Бала бакчада оюн бөлмөсү, ашкана, уктоочу бөлмө, даараткана, кабыл алуучу жана медициналык бөлмө, музыкалык-гимнастикалык зал болот», - деп айтылат маалыматта.
Жаңы бала бакчанын алгачкы сметалык баасы 48 млн 398 миң 113 сомду түзөт. Каражат шаардык бюджеттен бөлүнөт.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
