Түркия менен Кыргызстандын ортосундагы соода жүгүртүү 26%га өстү. Оң динамиканы Түркия Республикасынын президенти Режеп Тайып Эрдоган Анкарада Кыргызстандын президенти Садыр Жапаров менен болгон жолугушуусунда белгиледи.

Түрк лидери келечекте сооданы 2 миллиард долларга жеткирүү максаты бар экенин кошумчалады.

Ал ошондой эле түрк инвестициялык фондун түзүүнү жана анын Бишкекте аймактык өкүлчүлүгүн ачууну колдой турганын баса белгиледи.

Өз кезегинде Садыр Жапаров экономикалык кызматташтык боюнча өкмөттөр аралык комиссиянын кезектеги жыйынын жакынкы аралыкта өткөрүүнү сунуштады.

Кыргызстан өз ара сооданы көбөйтүү үчүн түрк тарап менен жигердүү иштөөгө жана өз ара аракеттенүүгө ниеттенүүдө.

Тараптар стратегиялык кызматташтыкты мындан ары чыңдоо, ошондой эле эки өлкөнүн туруктуу өнүгүүсүнө, стабилдүүлүгүнө жана гүлдөп-өнүгүшүнө көмөк көрсөтүү максатында дүйнөлүк аренада диалогго жана кызматташууга умтула тургандыгын ырасташты.