Бүгүнкүгө карата Түркиядагы жер титирөөдөн жабыркаган жарандар үчүн ачылган атайын эсепке 26 миллион 300 миң 937 сом жана 13 миң 550 рубль түштү. Бул тууралуу Каржы министрлигинин басма сөз кызматы билдирди. 

Эске салсак, 7-февралда Каржы министрлигинин Борбордук казынасында Түркиядагы жер титирөөдөн жабыркаган жарандар үчүн атайын бирдиктүү депозиттик эсеп ачылган.

Жардамды төмөнкү маалымат менен берсе болот:

• Банк: "Айыл Банк" ААК
• ИНН: 01803199710084
• BIC: 135001
• OKPO: 30597768
• Эсептин номери: № 1350102119900169 “Кыргыз Республикасынын Финансы министрлигинин транзиттик эсеби (Түркия Республикасына жардам)” (сом, рубль, АКШ доллары, евро)
• Төлөм коду: 14411100 - "Учурдагы жардам";
• Максаты: Түркия Республикасына ыктыярдуу жарандардан жана юридикалык жактардан жардам көрсөтүү.

Кошумчалай кетсек, түрк бийлиги урандылардын астынан 35 миң 418 адамдын сөөгү табылганын айтса, Сирия бийлиги 5 миң 800дөн ашуун адамдын өлгөнүн кабарлады. Түркиянын президенти Режеп Тайып Эрдоган Түркияда урандылардын астынан 8 миңден ашуун адам тирүү чыгарылганын билдирди.