Бишкек шаарынын вице-мэрлери Русланбек Акылбеков менен Максатбек Сазыкуловдун "Мир Холдинг" директорлор кеңешинин төрагасы Мирмахмутогуллары Ибрагим мырза жана Түркиянын Эрзурум шаарынын мэри Секмен Мехмет мырза менен жолугушуусу борбордук мэрияда өттү. Бул тууралуу мэриянын басма сөз кызматы билдирди.

Жолугушуунун жүрүшүндө түрк тарап анын өткөрүлүшүн тааныштырып, иштин негизги багыттары тууралуу айтып берди. "Мир Холдингдин" курамына энергетика, айыл чарба, түтүк чыгаруу, курулуш жана коргонуу өнөр жайы боюнча адистешкен 15 компания кирет. Ошондой эле, бул холдинг Стамбул университетинин Mir Holding технопаркынын өнөктөшү жана башкармасынын мүчөсү болуп саналат.

Бишкек мэриясынын өкүлдөрү Эрзурум шаары жана түрк компаниялары менен, атап айтканда "Мир Холдинг" менен кызматташууну өнүктүрүүгө кызыкдар экенин жана маселелер боюнча деталдуу түрдө тармактар ​​боюнча талкуулоого даярдыгын билдиришти.