Кыргызстандын валюта рыногундагы абал салыштырмалуу туруктуу бойдон калууда. Бул тууралуу өкмөт үйүндө өткөн брифингде Улуттук банктын өкүлү Аида Карабаева билдирди.
Анын айтуусуна караганда, жыл башынан бери доллардын курсу сомго карата 11,92% өскөн. Башкача айтканда, 69,5 сомдон 78,8 сомго чейин.
Андан тышкары, Карабаева кошумчалагандай, жыл башынан тартып 10-апрелге чейин Улуттук банк тарабынан 8 ирет интервенция жасалган (126,9 млн доллар).
«Эл аралык резервдин көлөмү учурда 2 млрд 368 млн АКШ долларын түзөт», - деди ал.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
