Улуттук банктын эл аралык резерви 3,1 млрд долларга жетти. Бул тууралуу Улуттук банктын төрагасы Кубанычбек Бөкөнтаев Жогорку Кеңештин депутаттары менен жолугушууда билдирди.

Белгилеп кетсек, 20-декабрда Жогорку Кеңештин депутаттары Улуттук банктын 2023-жылы жасаган иштери менен таанышты. 

Депутаттарга Улуттук банктын негизги функциялары жана милдеттери, Улуттук банктын 2023-жылга карата ишинин алдын ала жыйынтыктары, акча-кредит саясатын ишке ашыруу, финансы-кредиттик уюмдардын ишмердүүлүгүн жөнгө салуу жана көзөмөлдөө жана натыйжалуулугун камсыз кылуу, өлкөнүн төлөм системасынын коопсуздугу жана ишенимдүүлүгү тууралуу маалыматтар айтылды.