Улуттук банк тарабынан чыгарылган алтындын бир унцийи 0,15%га арзандады. Бул тууралуу көзөмөл органынын сайтында маалымдалды.

Алсак, бүгүнкү күндө Улуттук банк элден 31,1 грамм салмактагы өлчөнгөн куймаларды 176 миң 95,5 сомдон сатып алууда. Буга чейин кайра сатып алуу баасы 176 миң 371 сомду түзгөн. Ошентип, бир сутка ичинде куйма наркы 0,15% га төмөндөдү.

Кошумчаласак, Улуттук банктын алтын куймасынын унцийин 23-мартка карата 178 миң 737 сомдон сатып алууга болот.