Тышкы карыздын деңгээли ЕАЭБ келишимин бузууда – Эсеп палатасы

19.10.2021, 14:34 Акчабар
Тышкы карыздын деңгээли ЕАЭБ келишимин бузууда – Эсеп палатасы

Былтыркы жылдын аягында ИДПга карата Кыргызстандын мамлекеттик карызынын көлөмү 68,1%ды түздү. Бул жагдай ЕАЭБ өлкөлөрүнүн келишимин бузат, деп айтылат Эсеп палатасынын республикалык бюджеттин аткарылышынын аудити боюнча отчетунда.

Аудиторлор ЕАЭБ жөнүндө келишимдин 63-беренесинде тышкы мамлекеттик карыздын наркы ИДПнын 50% ашпоосу керек деп жазылганын эске салышты. Эгерде белгиленген чектен ашып кетсе, өлкө кредиттик каражаттарды жеңилдетилген шартта гана тарта алат.

Мындан тышкары, Эсеп палатасы эл аралык келишимди сактабоо жана өлкөнүн Бюджет кодексинде ИДПга карата мамлекеттик жана тышкы карыздын максималдуу деңгээлинин жоктугу мамлекеттик карыздын туруксуздугуна коркунуч келтиргенин белгиледи.

Өкмөткө кодекстеги бул кемчиликтерди жөнгө салуу, мамлекеттик карызды реструктуризациялоо боюнча иштерди жүргүзүү, бюджетте бекитилген суммадан ашык кредиттик каражаттарды тартууга жол бербөө жана инвестициялык долбоорлорго маани берүү менен жеңилдетилген кредиттерди тартуу сунушталды.

 

Тэги: госдолг ВВП ЕАЭС

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×