АКШнын Эл аралык өнүктүрүү боюнча агенттиги (USAID) Баткен облусундагы жер которгон үй-бүлөлөргө жардам иретинде 8 миллион сомдон ашык каражат бөлөт. Бул тууралуу АКШнын Кыргызстандагы элчилигинин басма сөз кызматы билдирди.

USAID уюму тарабынан бөлүнгөн каражат Баткен облусундагы 400 үй-бүлөгө гуманитардык жардам катары которулат. Ал каражат чек арадагы кагылышуудан жабыркагандарды колдоо максатында берилмекчи.

Көп максаттуу акчалай жардамды Эл аралык кызыл Чырым комитети ("Красный крест") жана Кызыл Жарым Ай коомдору жабыркагандарга тез арада бөлүштүрөт.

Буга чейин USAID уюму ЮНИСЕФ жана Кыргызстандын Улуттук Кызыл Жарым Ай Коому аркылуу 1000 гигиеналык комплект берген. Комплекттер 5000 адамдын, анын ичинде Баткен облусундагы 2000 балага жеткирилген.