Өлкөдөгү 20 шаарда эң жогорку талаптарга жооп берген ооруканаларды куруу пландалууда

13.05.2022, 10:29 Акчабар
Өлкөдөгү 20 шаарда эң жогорку талаптарга жооп берген ооруканаларды куруу пландалууда

Министрлеркабинетининтөрагасы Акылбек Жапаров Дүйнөлүк банктын адамдык өнүгүү тобунун директору Фадия Саада менен жолугушту.Бул тууралуу өкмөттүн басма сөз кызматынан билдиришти.

Жолугушуунун жүрүшүндө мамлекеттин социалдык саясатынын негизги милдеттери, анын ичинде адамдык өнүгүү маселелери, калктын жакыр жана аялуу катмарын колдоо үчүн зарыл болгон чаралар жана реформалар талкууланды.

Акылбек Жапаров белгилегендей, Кыргызстан рыноктук экономикага социалдык жактан багыт алган өлкө бойдон калууда.

“Ушул жылдын апрель айында бюджеттик мекемелердин кызматкерлеринин эмгек акысын эң көп жогорулатуу жүргүзүлдү, социалдык төлөмдөр көбөйтүлдү. Бул багытта министрлер кабинети чоң пландарды коюп жатат. Анын ичинде бюджеттик каражаттардын эсебинен республиканын 20 шаарында эң жогорку талаптарга жооп берген ооруканаларды куруу пландалууда”, - деди Акылбек Жапаров.

Учурда бул долбоорду ишке ашыруу максатында техникалык жардам көрсөтүүгө даяр эл аралык адистер изделип жатканын кошумчалады.

Ошондой эле билим берүү тармагын реформалоо иштери жүрүп жаткандыгы, анда кесиптик-техникалык билим берүүгө өзгөчө көңүл бурулары айтылды.

Өз кезегинде Фадиа Саада Дүйнөлүк банк министрлер кабинетинин адамдык потенциалды өнүктүрүү боюнча демилгелерин кубаттай тургандыгын баса белгилеп, пландарды ишке ашырууда системалуу көмөк көрсөтүүгө даяр экенин билдирди.

Тэги: Акылбек Жапаров Фадия Саада Всемирный банк больница

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×