Былтыркы жылдын январь-декабрында өндүрүлгөн өнөр жай продукциясынын (товарлардын жана кызмат көрсөтүүлөрдүн) көлөмү акчалай алганда 425 миллиард 945 миллион 936,6 миң сомду түзүп, өткөн жылга салыштырмалуу 19,9%га көп болду. "Акчабар" мындай эсептөөлөрдү Улуттук статистикалык комитеттин материалдарына таянып жасады.
Мында өндүрүлгөн продукциянын физикалык көлөмүнүн индекси 2021-жылдын ушул мезгилине салыштырмалуу 11,4%га өстү.
Физикалык көлөмдүн индексинин эң чоң өсүшү компьютерлерди, электрондук жана оптикалык жабдууларды өндүрүүдө (+175,7%), ошондой эле автоунааларды өндүрүүдө (+102,1%) белгиленди.
Белгилеп кетсек, статистикага ылайык, 2021-жылы Кыргызстанда 355 миллиард 175 миллион 558,9 миң сомдук өнөр жай продукциясы өндүрүлгөн.