Бишкекте көмүрдүн баасын жөнгө салуу боюнча рейд өттү. Монополияга каршы органдын Бишкек шаары жана Чүй облусу боюнча башкармалыгынын кызматкерлеринен турган жумушчу комиссия, борбордун мэриясы жана башкалар күйүүчү май базаларына рейд жүргүзүштү. Тактап айтканда, Мурманская № 1, 126, 59А, 259 жана Алыкулова 1А көчөлөрүнүн боюнда жайгашкан базалар ("Ак-Жол", "Береке", "Беш Сары" күйүүчү май базалары) текшерилди.

Рейддин жүрүшүндө жумушчу комиссия отун базаларынын жетекчилери менен көмүрдү керектөөчүлөргө белгиленген баада сатуу зарылдыгы жана калк үчүн 4,4 миң сомдук көмүр баасынын максималдуу деңгээлинен ашпоо тууралуу түшүндүрүү иштерин жүргүздү.

Ошондой эле, күйүүчү май кампаларынын ээлерине мыйзам бузуулар жөнүндө Кодекске ылайык белгиленген баадан ашкандыгы үчүн жоопкерчилик тууралуу эскертүү берилди.