УКМКнын башкы башкармалыгы Жалал-Абад шаарынын бир нече тургундарына кылмыш ишин козгоду. Бул тууралуу аталган мекеменин басма сөз кызматы билдирди.
Ага ылайык, УКМК товарларды жана кызмат көрсөтүүлөрдү иш жүзүндө жеткирбестен эсеп-фактуралар берилгендигин, шектүү операцияларды аныктаган.
Текшерүү учурунда фирмалардын жалганчы жетекчилери тергөө бөлүмүнө алынып келинип, алардын мыйзамсыз аракеттери аныкталган.
Учурда козголгон кылмыш ишинин алкагында бул фирмаларга салыктык текшерүүлөр дайындалып, кошумча салыктар эсептелинет.