Жалал-Абад облусунун Аксы районундагы Жеңижок атындагы жаңы мектептин курулушу аяктады, мекеме пайдаланууга берилди. Бул тууралуу Мамкурулуш билдирди.

Мектептин курулушу өткөн жылдын январь айында Сауд өнүктүрүү фондунун кредити менен башталып, сметалык баасы 870,1 миң долларды түзгөн.

Мектеп 225 окуучуга ылайыкталган, бул конушта 500 окуучуга чейин окутууну камсыздайт. Долбоорго ылайык, окуу корпусу, спорт залы, коомдук тамактануу бөлүмү, актовый зал, ошондой эле эмгек, химия, физика үчүн жабдылган класстар тургузулган.