Евразия экономикалык комиссиясынын коллегиясы Евразия экономикалык бирлигинин өлкөлөрүнө сунуштама түрүндө, дары-дармек каражаттарын өндүрүү боюнча өндүрүштү жана аналитикалык методдорду которуу боюнча көрсөтмөлөрдү бекитти, деп билдирди ЕЭК.

Бул документ дары-дармек өндүрүшүн алардын сапатына жана коопсуздугуна шек келтирбестен өткөрүп берүүдө кайталанган изилдөөлөрдүн санын кыскартат.

Ошондой эле колдонмолор дары-дармектердин өндүрүшүн жана сапатын контролдоону бир аянтчадан экинчисине өткөрүү процессин, анын ичинде ушул процессти документтештирүүнү жөнгө салат.

ЕЭК коллегиясы медициналык багыттагы буюмдардын стандарттарынын тизмесин жаңылады. Натыйжада, сегиз стандарт заманбап версиялар менен алмаштырылды, сегиз жаңы стандарттар жана бир өлчөө процедурасы кошулду, эски жети стандарт алынып салынды.