Быйыл январь-сентябрь айларында өткөн жылдын ушул мезгилине салыштырмалуу электр жана жылуулук энергиясынан башка бардык тармактарда азык-түлүк эмес товарларга керектөө бааларынын өсүшү байкалган.

Ага ылайык, эң көп дизелдик күйүүчү майдын (+48%) жана бензиндин (+33,9%) баасы жогорулаган.

Андан кийинки орунда тиричилик техникасы (15,2%), курулуштарды оңдоочу материалдар (+14,4%), катуу отун (+13,2%) турат.

Товарлардын кийинки тобуна фармацевтикалык өнүмдөр (+9,7%), гезиттер (+9,2%), кийимдер (+8,9%) жана бут кийимдер (+8,5%) кирет.

Эң аз газ (4,5%) жана муздак суу (1,3%) кымбаттаган.

Электр энергия жана жылуулукка болгон баалар мурдагы деңгээлинде калды.