Кыргызстанда ушул жылдын 1-июлунан тартып спирт ичимдиктерин жана тамеки буюмдарын санарип идентификация каражаттары менен милдеттүү түрдө маркалоо киргизилет. Бул тууралуу Мамлекеттик салык кызматынын басма сөз кызматы билдирди.

2022-жылдын 1-январынан тартып өлкөдө маркасы жок алкоголдук жана тамеки өнүмдөрүнүн жүгүртүлүшүнө тыюу салынган.

Милдеттүү маркалоого арак, алкоголдук ичимдиктер, байытылган суусундуктар, байытылган ширелер жана бальзамдар, шараптар, коньяктар (коньяк спиртинен башка), газдалган шараптар (анын ичинде шампан), алкоголу аз суусундуктар, тамеки (чыпкалуу, чыпкасыз) жана тамеки ысытылган азыктар (ысытылган тамеки таягы, ысытылган тамеки капсуласы) кирет.