25-26 сентябрда КР Каржы министрлиги товар сатып алуу үчүн электрондук каталогду ишке киргизет. Бул тууралуу министрликтин  басма сөз кызматы билдирет.

Бул долбоор Евразия калыбына келтирүү жана өнүктүрүү банкы аркылуу ишке ашат жана кичи, орто ишканалар мамлекеттик сатып алууга катышууга мүмкүнчүлүк түзүлөт.  Ошондой эле иш-чаранын жүрүшүндө реалдуу убакыт режиминде маалыматтарды пайдалануунун негизинде мамлекеттик сатып алуулардын отчёттуулугунун жана мониторингинин иштелип чыккан заманбап модулунун, электрондук мамлекеттик сатып алуулардын аудитинин жаңыланган методологиясынын жана тобокелдик индикаторлорунун негизинде электрондук мамлекеттик сатып алуулардын аудити үчүн онлайн-аналитикалык инструменттердин бет ачары өткөрүлөт. 

Буга чейин премьер-министр Мухаммедкалый Абылгазиев мамлекеттик сатып алуудагы системаны анализдөөнү тапшырды.