Статкомдун маалыматына ылайык, бир жыл ичинде өсүмдүк майынын орточо баасы 58 сомго, же 37%га жогорулады. 

2021-жылдын 21-октябрына карата Кыргызстанда өсүмдүк майынын орточо баасы 173 сомду түзөт. Товардын эң жогорку орточо баасы Ош шаарында белгиленди (184 сом), эң төмөнү Манас районунун Покровка айылында - 155 сом турат.

Кошумчалай кетсек, өткөн жылдын ушул күнүнө карата өсүмдүк майынын орточо баасы 126 сом болгон. Эң төмөн баа (97 сом) Ноокат районунда, эң кымбаты (138 сом) Ош шаарында катталган.