Бүгүн, 16-мартта Жогорку Кеңештин жыйынында депутаттар “Кыргыз Республикасынын салык салуу чөйрөсүндөгү айрым мыйзам актыларына өзгөртүүлөрдү киргизүү жөнүндө” мыйзамдын биргелешкен долбоорун экинчи жана үчүнчү окууда карап, кабыл алышты.

Мыйзам долбоорун иштеп чыгуу үчүн 200гө жакын сунуштар каралды. Экономика жана соода министрлиги 100дөн ашык сунуштарды кабыл алды. 20дан ашык сунуш жарым-жартылай кабыл алынды. Ишкерлерден 59 сунуш түшүп, анын 20сы кабыл алынса, 6сы жарым-жартылай кабыл алынды.

Кабыл алынган сунуштардын бири салык мыйзамын бузуулар үчүн каражат 30 күндүн ичинде төлөнсө, айыптын көлөмүн 70%га чейин азайтуу каралган.