Инфляциянын деңгээлин мүнөздөгөн керектөө бааларынын индекси ушул жылдын март айында февраль айына салыштырмалуу 101,1%, ал эми өткөн жылдын декабрына салыштырмалуу 103,2% түздү. Бул тууралуу Улуттук статистикалык комитет билдирди. 

Ушул жылдын март айында, мурунку айга салыштырмалуу, республика боюнча азык-түлүк товарларына жана алкоголсуз суусундуктарга баалар 1,35 кымбаттады. Ошол эле учурда, маргаринге - 9,8% га, кумшекерге - 7,8% га, өсүмдүк майларына - 4% га, көк чайга - 2,7% га, гречкага - 2,6% га, балдар тамагы үчүн  кургак сүттүн аралашмалары - 2,2% га, макарон азыктары - 1,2% га, кургатылган жемиштер жана жаңгактар ​​- 1,2% га, жаңы эт - 1% га баалардын өсүшү байкалган.

Ошол эле учурда, жыл башынан бери сүт (4,1% га), таруу (3,1% га), жаныбарлар жана өсүмдүк майлары (2,8% га), орто дандуу күрүч (1,8% га), табигый аары балы (1% га) төмөндөгөн.