Кыргызстанда “Жарандык жана санариптик билим берүү борборлору” социалдык долбоорунун алкагында билим берүү борборлору ачылды. Бул тууралуу президенттин сайтында маалымдалды.

Анын алкагында билим берүү ишмердүүлүгүнө жарандык билим берүү программаларын киргизүү пландаштырылууда. Алар: “КР жараны жана шайлоолор”, “КР саясий системасы”, “КР шайлоо процесси”, “Кыргызстандын тарыхы”, “Экология жана укук" жана башкалар. Ошондой эле, компьютердин баштапкы көндүмдөрү, өз алдынча билим алуу жана өзүн өнүктүрүү үчүн интернет ресурстарын кантип колдонуу керек, мамлекеттик кызмат көрсөтүүлөр порталын кантип колдонуу керек, SEO (сайтты кантип илгерилетсе болот), SMM (жарнамалык көндүмдөрдүн мониторинги), графикалык дизайн сыяктуу жана башка санариптик билим берүү программалары.

Иш-чаралардын форматтары окутуу курстарын (онлайн/офлайн), тренингдерди, семинарларды, конференцияларды, тегерек столдорду, дебат клубун, аялдар клубун ж.б. өткөрүүнү камтыйт.

Долбоор президент аппаратынын жана министрлер кабинетинин колдоосу менен өнүктүрүү боюнча эл аралык өнөктөштөр менен биргеликте ишке ашырылып жатканы белгиленди.