«Кыргызтелекомдун» жетекчиси кызматтан кетүүгө макул эмес

04.07.2022, 15:05 Акчабар
«Кыргызтелекомдун» жетекчиси кызматтан кетүүгө макул эмес

"Кыргызтелеком" ААКнын директорлор кеңеши компаниянын башкармалыгынын төрагасы Нурлан Мадаминовду ээлеген кызматынан бошотту. Бирок топ-менеджер бул чечимдин мыйзамдуулугун таануудан баш тартып, кресло үчүн күрөшүүнү көздөп жатат.

Мадаминовду мөөнөтүнөн мурда кызматтан алуу чечими ал кызматка дайындалгандан туура эки ай өткөндөн кийин, 29-июнда кабыл алынганын Кыргыз фондулук биржасынан билдиришти.

Ошол эле учурда компаниянын басма сөз кызматы бул маалыматты жалган деп атады.

"Нурлан Мадаминов жумуш ордунда жана өз милдеттерин так аткарып жатат", - деп түшүндүрдү компаниянын басма сөз кызматы директорлор кеңешинин жыйынынын эртеси күнү "Акчабарга".

Кийинчерээк компания директорлор кеңешинин чечими чындап эле кабыл алынганын мойнуна алган. Бирок, Нурлан Мадаминов керек болсо бул чечимге каршы даттанууга ниеттенүүдө.

"Директорлор кеңеши мага расмий түрдө чечим тууралуу маалымат берген эмес, буга байланыштуу мен бүгүнкү күнгө чейин Кеңештин төрагасымын. Ал эми директорлор кеңеши мени чечим менен тааныштырса, анда бул чечим мыйзамсыз кабыл алынган деп эсептейм. Мен бул боюнча сотко кайрылам”, - деп комментарий берди Мадаминов “Акчабарга”.

Ал ошондой эле кызматтан алуу чечими анын "Кыргызтелеком" ААК башкармалыгынын жетекчиси кызматындагы ишине саботаж кылуу максатында кабыл алынганына ишенет.

Белгилеп кетсек, бул компаниянын башкармалыгы менен директорлор кеңешинин ортосунда чыр-чатактар ​​биринчи жолу болуп жаткан жок. Жыл ичинде эле "Кыргызтелекомдо" буга чейин бир нече жолу топ-менеджер алмашкан.

Тэги: Кыргызтелеком правление отставка

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×