Кулатов айыл өкмөтүнүн жооптуу кызматкерлери “Абшыр-Ата” эс алуу аймагында жайгашкан 4,05 гектар жер тилкесин сатуу жолу менен жеке адамга мыйзамсыз өткөрүп беришкен. 

Текшерүүнү Ноокат районунун прокуратурасы жүргүзгөн.

Буга чейин райондун прокуратурасы аталган жер участогуна укук белгилөөчү документтерди жараксыз деп табуу максатында сот органдарына доо арыз менен кайрылган.

Мыйзамдуу күчүнө кирген сот актылары менен укук белгилөөчү документтер жана жер участогунун жеке менчик укугуна мамлекеттик акт жараксыз деп табылды.

Киргизилген прокурордук актынын негизинде жогоруда аталган 4,05 га 24,2 млн сомдук жер тилкеси Кулатов айыл өкмөтүнүн балансына кайтарылды.