Коронавирус пандемиясынын кесепетинен туризм тармагында 2021-жылы глобалдык ИДП 1,7ден 2,4 триллион долларга чейин төмөндөйт. Бул божомол Бириккен Улуттар Уюмунун соода жана өнүгүү боюнча конференциясынын (ЮНКТАД) Женевада шаршемби күнү жарыяланган отчетунда камтылды, деп жазды ТАСС.

"Ушул жылдын экинчи жарымында эл аралык туризмдин жанданышы күтүлүүдө, бирок ЮНКТАДдын отчетуна ылайык, 2019-жылга салыштырмалуу 2021-жылы 1,7-2,4 триллион долларга чейин жоготуулар күтүлүүдө" деп белгилешти эксперттер.

Отчетко ылайык, быйыл эл аралык саякат 75% га төмөндөйт. Мындай учурда туризм сектору 948 миллиард доллар жоготот, ал эми глобалдык ИДП жалпысынан 2,4 триллион доллар жоготууга учурайт.

Экинчи сценарий эл аралык туристтик саякаттын болжолдуу 63% кыскаруусуна негизделген. Үчүнчүдөн, коронавируска каршы вакцинация деңгээли төмөн өлкөлөргө саякаттоочулар 75% азыраак барат деп болжолдонду. Ал эми калктын кыйла бөлүгү эмдөөдөн өткөн өлкөлөрдө туристтик агым 37% га төмөндөйт. Экинчи сценарий боюнча, дүйнөлүк ИДПнын жоготуусу 1,7 триллион доллар, ал эми үчүнчүсү боюнча 1,8 триллион доллар деп болжолдонууда.