Пандемиядан улам үй-бүлөлөрдүн 22%ы жок дегенде бир үй-бүлө мүчөсү жумушсуз калганын билдирди. Бул тууралуу БУУнун Бүткүл дүйнөлүк азык-түлүк программасы тарабынан даярдалган “2021-жылга Кыргыз Республикасындагы жакырчылык, азык-түлүк коопсуздугу жана тамактануу боюнча талдоо” баяндамасында айтылды.

Ошентип, 2020-жылы жумушсуз калгандардын саны 344 миңге жетти, же экономикалык активдүү калктын 13,3% түздү.

Бул экономикалык кризистин эмгек рыногуна түздөн-түз таасири болгондугу белгиленген. Бирок 2020-жылдын аягына карата абал турукташып, чектөөлөрдүн көбү алынып салынды жана жумушсуздуктун жылдык деңгээли 5,8%ды түздү, бул 2019-жылга салыштырмалуу 0,3 пайыздык пунктка жогору.

"2020-жылы жакырчылыктын чегинен төмөн жашаган калктан тышкары, калктын 8% жакыны чек ара тилкесинде жана жакыр болуп калуу коркунучунда турат. Башкача айтканда, дээрлик 2,2 миллион адам 96 сом, же күнүнө 1,1 доллар менен жашайт. Дүйнөлүк банктын айтымында, жакырчылыктын деңгээли жетиши мүмкүн 2021-жылдын акырына карата 35%", - деп айтылат маалыматта.