Кыргызстандагы CASA-1000 курулушунун жүрүшү тууралуу маалымат

16.05.2022, 17:08 Акчабар
Кыргызстандагы CASA-1000 курулушунун жүрүшү тууралуу маалымат

Кыргызстандагы CASA-1000 долбоорун ишке ашыруунун алкагында 500 кВ электр берүү чубалгысы (ЭБЧ) курулууда.

Кыргызстанда аталган ЭБЧ үчүн «Датка» 500 кВ көмөк чордонунда атайын курула турган 500 кВ чөнөктөн 455.6 км ЭБЧ тартылып, Жалал-Абад, Ош жана Баткен облусунун Тажикстандын чек арасына чейинки аймактары аркылуу өтөт.

Бүгүнкү күндө төмөнкү курулуш иштери аткарылды:

1006 (81%) тирөөчтүн курулуш аянтчаларына кирме жолдор курулду, 927 (75%) тирөөчтүн чуңкурлары казылды, 824 (66%) тирөөчтөр арматураланды жана бетондолду, 487 (39%) тирөөч орнотулду. Курула турган электр тирөөчтөрдүн жалпы саны 1241.

Азыркы учурда Баткен, Ош жана Жалал-Абад облустарында активдүү иштер жүрүп жатат. Ишке 150 бирдиктеги атайын техникалар, машиналар, траспорттук каражаттар жана 285 жумушчу тартылып, анын 70%га жакынын жергиликтүү тургундар түзөт.

Аталган үч облуста инфраструктуралык объекттерди куруу үчүн адистерди мобилизациялоого 6 курулуш базасы курулду.

Маалымдама: CASA-1000 долбоору Борбордук Азия менен Түштүк Азиянын - Кыргызстан, Тажикстан, Ооганстан жана Пакистандын энергетикалык тутумдарын байланыштырууга багытталып, эл аралык стандарттарга ылайык электр энергиясын сатуу боюнча механизмдерди иштеп чыгат.

Тэги: CASA-1000 ЛЭП

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×