Казакстан санариптик теңгени киргизүүнү көздөөдө. Пилоттук долбоор ушул жылы башталат. Бул тууралуу Казакстандын Улуттук банкынын сайтында маалымдалды.
Санариптик тенге мыйзамдуу төлөм каражаты, баалуулук өлчөөчү жана баалуулуктарды сактоочу жай болот. Улуттук банк санариптик теңгени жүгүртүүгө чыгарат. Валюта чекене болот, аны юридикалык жана жеке жактар колдоно алат деп болжолдонууда.
Санариптик валюта уникалдуу санариптик ырааттуулук (токендер) болот, ал жеке электрондук капчыкка жазылат жана алардын ортосунда жылып жүрө алат. Бир токен бир накталай же нак эмес тенгеге барабар болот.
Кошумчалай кетсек, Казакстан Республикасынын Улуттук банкы мындай валютаны киргизүү накталай эмес эсептешүүлөрдүн санын көбөйтөт деп үмүттөнөт.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
