Кыргызстанда өндүрүлгөн азыктарды/товарларды кабыл алуу жана таратуу үчүн Россия аймагында атайын борбор ачылышы мүмкүн. Бул тууралуу 2020-жылдын 10-январында КР жана РФ Свердлов облусундагы, Кыргызстанда экспорттолгон товарларды ташуу менен алектенип жаткан транспорттук компаниялардын өкүлдөрү жана КР Екатеринбург шаарындагы Башкы консулдуктун консулу Алымбеков Нурландын, «CIN-Терминал» Акционердик Коомунун Башкаруучусу Денисов Валерий Алексеевич менен болгон жолугушууда билинди. Бул тууралуу ТИМ кабарлайт. 

Тараптар эки тараптык мамилени чыңдоо, ишкерлер үчүн ыңгайлуу шарттарды түзүп берүү боюнча сүйлөшүүлөрдү жүргүзүштү. 

Кыргызстандын ишкерлери Екатеринбургдагы ири соода борборлорунун өкүлдөрү менен кызматташуу боюнча жолугушууга даяр экендигин билдиришти.