Турак жай-жарандык курулуш департаментинин Чүй облустук капиталдык курулуш башкармалыгы облустун бир катар айылдарына таза суу түтүктөрүн курууга тендер жарыялады.

Тендердин баасы 184 миллион 513 миң 723 сом. 

Билдирмеде көрсөтүлгөндөй, тендерди аткарган тарап Чүй облусунун Москва районундагы Мурак, Ак-Торпок, Чоң-Арык, Ак-Суу айыл аймактарына таза суу түтүктөрүн курууга тийиш. Ошондой эле Жайыл районундагы Кызыл-Дыйкан айылында суу түтүктөрүн куруунун экинчи этабын ишке ашырууга милдеттүү.