Чүй облустук капиталдык курулуш башкармалыгы Сокулук районунун Жаңы-Жер айылына таза суу түтүгүн курууга тендер жарыялады. Тиешелүү жарыя мамлекеттик сатып алуулар сайтына жарыяланды.

Тендердин баасы 170 миллион 365 миң 559 сомду түзөт.

Тендерди утууга кызыктар тараптан 2020-2022-жылдары 170 миллион сомдон кем эмес суммадагы ушул сыяктуу келишимдерди ишке ашырууда тажрыйбага ээ болушу, ошондой эле курулушту ишке ашыруу үчүн менчик же ижара укугунда долбоорду ишке ашыруу, зарыл болгон жабдуулардын, машиналардын жана механизмдердин негизги түрүнүн болушу талап кылынат.