Жергиликтүү өз алдынча башкаруу органдары тоо-кен тармагынын үзгүлтүксүз жана коопсуз иштөөсүнө башкы роль ойношу керек. Бул тууралуу премьер-министрдин м.а. Артем Новиковдун Талас облусуна болгон иш сапарында маалым болду.
Ал мультипликативдүү эффект тууралуу эскертип, тоо-кен компанияларынын иштөөсүнөн жалпы экономикалык кластер түзүлөрүн билдирди.
«Тоо-кен компаниялары региондогу кичи жана орто бизнеске локомотив болуп берүүлөрү керек. Алар азык-түлүк, жабдык, материалдардын ири пайдалануучулары болуп эсептелинет. Бул учурда импортту алмаштыруу маселесинин басымдуу бөлүгү чечилет», — деп билдирди ал.