Бүгүнкү күнгө карата Кыргызстандын мамлекеттик казына милдеттенмелери жана векселдери боюнча ички карызы 88 миллиард 890 миллион 594,8 миң сомду түздү. Мындай корутундуну Улуттук банктын маалыматынын негизинде чыгарууга болот.

Ошол эле учурда жөнгө салуучу органдын маалыматы боюнча 16-декабрга карата 86 миллиард 477 миллион 806,8 миң сомго бааланган. Ошентип, бул убакыт аралыгында мамлекеттик карыз 2 миллиард 412 миллион 788 миң сомго көбөйгөн.

Өлкөнүн ички карызынын өсүшү Каржы министрлигинин 10 жылдык облигациялар аркылуу карыз алуусу менен байланыштуу. Жайгаштыруу 16-декабрда жана 19-декабрда болгон. 16-декабрда 2,3 миллиард сомдук облигациялар жайгаштырылып, 19-декабрда жылдык 16,5% менен 250,6 миллион сом кошумча аукциондо тартылган.

Ошол эле учурда министрлик 19-декабрда мамлекеттин 12 айлык векселдер линиясы боюнча 137,8 миллион сомдук милдеттенмелерин кайтарып берди. Төлөө мөөнөтү 2021-жылдын 16-декабрына жана 20-декабрына туура келет, анда 140 миллион сом жайгаштырылган. Алар боюнча кирешелүүлүк 8,5% түздү.