Экономика министрлиги башка мамлекеттик органдар менен биргеликте эл аралык каржы институттары менен Баткен облусуна инвестиция тартуу боюнча иш алып барууда. Тактап айтканда, 2022-жылдан 2027-жылга чейин ишке ашыруу мөөнөтү менен “Баткен облусунун региондук экономикалык өнүгүүсү” долбоору Дүйнөлүк банк менен талкууланууда.

Долбоор алты жылдык ишке ашыруу мөөнөтү менен аймакка 50 миллион доллар өлчөмүндө инвестиция тартууну карайт.

Ал иш-чаралардын алты компонентин камтыйт:

• аймактарды туруктуу өнүктүрүүнү пландаштыруу;
• муниципалдык инфраструктураны жана негизги мамлекеттик кызматтарды колдоо;
• агроазык-түлүк кластерлерин бекемдөө;
• чакан жана орто бизнести колдоо үчүн чакан гранттар программасы;
• мүмкүн болгон өзгөчө кырдаалдарга жооп кайтаруу;
• ишке ашырууну колдоо, долбоордун мониторинги жана баалоо.