Кыргызстандын тышкы жана өз ара соодасынын көлөмү 2023-жылдын январында 834,7 млн ​​долларды түздү. Бул көрсөткүч 2022-жылдын январь айына салыштырмалуу 20,5%га өстү. Бул тууралуу Улуттук статистикалык комитеттин маалыматында айтылат.

Маалыматка ылайык, экспорттук жеткирүүлөр 125,5 миллион долларды түзүп, 2022-жылдын январь айына салыштырмалуу 12,9%га өскөн.

"Импорттук түшүүлөр 2022-жылдын январь айына салыштырмалуу 22%га өсүп, 709,2 млн долларды түздү. Соода жүгүртүүнүн түзүмүндө экспорт 15%ды, импорт 85%ды түздү", - деп айтылат маалыматта.

Өлкөнүн соода жүгүртүүсүнүн жалпы көлөмүндө ЕАЭБге мүчө мамлекеттер менен өз ара соода жүгүртүү 32,2%ды, анын ичинде экспорттоо 64,1%ды, импорттоо 26,5%ды түздү.

Соода жүгүртүүнүн жалпы көлөмүндө үчүнчү өлкөлөр менен тышкы соода 67,8%ды, анын ичинде экспорт 35,9 %ды, импорт 73,5 %ды түздү.